III MDB Oyunlarında karate yarışları başa çatıb.

Prosport.Az xəbər verir ki, Mingəçevirdəki Kür Olimpiya İdman Tədris Mərkəzində təşkil olunmuş yarışda bu gün Azərbaycan təmsilçilərindən Turqut Həsənov (84 kq), İrina Zaretska (68 kq) və Fərid Ağayev (75 kq) rəqiblərinə qalib gələrək qızıl medala sahib olub.

Asiman Qurbanlı (+84 kq) həlledici döyüşdə uduzaraq 2-ci yerlə kifayətlənib. Aysu Əliyeva (61 kq), Fərid Şahbazlı (84 kq) və Rəşid Süleymanov (75 kq) isə bürünc medal qazanıb.

Xatırladaq ki, karate yarışlarının ilk günündə Mədinə Sadiqov (55 kq), Nuran Rzazadə (67 kq) və Roman Heydərov (kata) qızıl, Nəzrin Piriyeva (55 kq) və Fərid Savadov (60 kq) gümüş, İnci Əzizova (50 kq), Aslan Dostuyev (67 kq), Ramilə Heydərova və Rövşən Əliyev (hər ikisi kata) isə bürünc mükafata sahib çıxıb.

Beləliklə, Azərbaycan karateçiləri III MDB Oyunlarını 16 medalla başa vurub. Bunlardan 6-sı qızıl, 3-ü gümüş və 7-si bürünc medal olub.