Voleybol üzrə Azərbaycan klublarının sponsor prezidentləri müəyyənləşib.

Prosport.Az-ın xəbərinə görə, "Azərreyl"ə Akif adlı iş adamı təklif olunsa da, o sonradan sponsorluqdan imtina edib. Son məlumata görə, klubun prezidenti Orxan Kərimov təyin olunub.

Orxan Kərimov voleybol ictimaiyyətinə artıq tanış simadır. Ötən mövsüm I Liqada çempion olan kişilərdən ibarət "Təhsil" komandası məhz onun rəhbərliyi altında yaradılıb, həmçinin həmin komandanın baş məşqçisi olub,

"Murov" klubuna prezident təyin olunan "Silk Way Holding"in rəhbəri Zaur Axundovun bu vəzifəni icra etməyəyi də dəqiqləşib. Azərbaycan Voleybol Federasiyasının İdarə Heyətində də yer alan Z.Axundov hansısa formada bu kluba sponsorluq edəcək. Klubun prezidenti isə Cavid adlı iş adamı olacaq.

"Abşeron" klubuna isə hələ may ayında xəbər verdiyimiz kimi, federasiyanın İdarə Heyətində yer alan İlqar Nuriyev sponsor/prezidentlik edəcək.

Səbuhi Musa