"Formula 1" üzrə Azərbaycan Qran-prisində sıralama turu çətin keçib.

Prosport.Az xəbər verir ki, bu barədə "Red Bull" komandasının pilotu Maks Ferstapen açıqlama verib.

3 sessiyanın yekununda 1-ci olan niderlandlı sürücü hazırkı çıxışından məmnun olduğunu bildirib.

"Sıralama turu çətin keçdi. Hamı üçün asan deyildi. Çünki çox qırmızı bayraq qaldırıldı. Təkərlər də tam hazır olmurdu. 3-cü sessiyada yağış başladı və mən burada risk etməli idim".

Qeyd edək ki, Maks Ferstapen əsas yarışa ilk sırada start verəcək. Azərbaycan Qran Prisi sabah əsas yarışdan sonra başa çatacaq.