Tofiq Bəhramov adına Respublika stadionuna yeni direktor təyin edilib.

Prosport.Az matc.az-a istinadən xəbər verir ki, bu vəzifəyə Tələt Məmmədov gətirilib.

Tələt Məmmədovadək bu vəzifədə Babək Həmidov çalışırdı. Babək Həmidov aprelin 12-də bu idman arenasına direktor təyin olunmuşdu.

36 yaşlı Tələt Məmmədov 2016-cı ilin fevralından "Neftçi” PFK-da menecer vəzifəsində çalışıb. Həmin ilin noyabrından İnfrastruktur və Nəqliyyat Departamentinin rəisi vəzifəsində çalışmağa başlayıb.

Xatırladaq ki, Gənclər və İdman Nazirliyi ötən ay "Neftçi"də təşkilati işlər üzrə menecer işləyən Mehman Əlimovu İxtisaslaşdırılmış Uşaq-Gənclər Olimpiya Ehtiyatları Futbol Məktəbinə direktor təyin etmişdi.