"Formula 1" üzrə Azərbaycan Qran-prisində yalnız “Mercedes” komandasının pilotu, britaniyalı Corc Rassell deyil, həm də paddokda bir neçə nəfər xəstələnib.

Prosport.Az xəbər verir ki, Rassell bu gün yarışöncəsi keçirilən mətbuat konfransında iştirak etməyib.

"Formula-1" nümayəndələrinin yoluxduğu konkret virus hələ açıqlanmayıb. Virusun yayılma ocağı əsasən personalın yerləşdirildiyi otel ola bilər.

Qeyd edək ki, mövsümün 17-ci mərhələsi – Azərbaycan Qran-prisinin birinci sərbəst yürüşü sentyabrın 19-da saat 12:30-da başlayacaq. İkinci sərbəst yürüş isə həmin gün 16:00-da keçiriləcək.