Azərbaycan karateçisi İrina Zaretskaya (68 kq) Çinin Çendu şəhərində keçirilən Dünya Oyunlarında gümüş medalla kifayətlənib.

Prosport.Az xəbər verir ki, Ukrayna əsilli idmançı finalda alban əsilli İsveçrə təmsilçisi Elena Çuiriçi ilə qarşılaşıb.

Həlledici görüşdə prinsipial rəqibinə 0:3 hesabı ilə məğlub olan İrina Zaretskaya fəxri kürsünün 2-ci pilləsinə yüksəlib.

15:57

Olimpiya mükafatçısı, üçqat dünya və Avropa çempionu olan Azərbaycan karateçisi İrina Zaretskaya Çinin Çendu şəhərində keçirilən XII Dünya Oyunlarında mübarizəyə başlayıb.

Prosport.Az xəbər verir ki, 68 kq-da çıxış edən dünya çempionu rəqiblərinə qalib gələrək finala yüksəlib.

Dünya çempionumuzun həlledici görüşdə rəqibi ikiqat dünya mükafatçısı və üçqat Avropa çempionu olmuş Elena Çuiriçi (İsveçrə) olacaq.

Qeyd edək ki, İrina Zaretskaya yarışdığı A qrupunda Hadir Hendiyə (Misir) 3:0, Keyko Corcia Zefanyaya (İndoneziya) 10:0, Li Çoçaoya (Çin) 2:1 və yarımfinalda Subasa Kamaya (Yaponiya) 11:3 qalib gəlib.