Azərbaycan Karate-Do Federasiyasının prezidenti Arif Məmmədovun qəfil ölümünün səbəbi açıqlanıb.

Prosport.Az xəbər verir ki, Gürcüstanın Batumi şəhərində qəflətən səhhətində problemlər yaranan federasiya rəhbərinə həkimlər ağciyərlərin buzlaşması diaqnozu qoyublar. Pasiyent xəstəxanada 3 həftədən artıq müalicə alıb və həmin zaman komada olub. Ardından onun vəziyyəti daha da pisləşib. Bundan sonra müalicəsini davam etdirmək üçün Türkiyənin Trabzon şəhərində xəstəxanaların birinə təxliyə olunub. Burada həkimlərin cəhdlərinə baxmayaraq, onun həyatını xilas etmək mümkün olmayıb.

Qeyd edək ki, 47 yaşlı Arif Məmmədov karate üzrə üçqat dünya və beşqat Avropa çempionu olub. O, 2022-ci ildən Azərbaycan Karate-Do Federasiyasının, 2021-ci ildən isə Dünya Müasir Döyüş növləri Federasiyasının Avropa üzrə vitse-prezidenti idi. 2014-cü ildə "Azərbaycan Respublikasının Əməkdar İdman Ustası", 2015-ci ildə "Azərbaycan Respublikasının Əməkdar Məşqçisi" fəxri adlarına layiq görülüb.

10:34

Azərbaycan Karate-Do Federasiyasının prezidenti Arif Məmmədov qəfil vəfat edib.

Prosport.Az xəbər verir ki, Gürcüstanda dünyasını dəyişən funksionerin ölümünün səbəbi açıqlanmayıb.

Qeyd edək ki, Arif Məmmədov 2023-cü ildən Karate-Do Federasiyasına rəhbərlik edirdi. Dünya və Avropa çempionu olmuş keçmiş idmançı daha əvvəl Gənclər və İdman Nazirliyi yanında İctimai Şuranın sədr müavini vəzifəsində çalışıb.