2027-ci ildə keçiriləcək IV Avropa Oyunlarının keçiriləcəyi ölkənin nə vaxt bilinəcəyinə aydınlıq gəlib.

Prosport.Az xəbər verir ki, oktyabrda Avropa Olimpiya Komitələrinin Baş Assambleyası keçiriləcək.

Məhz orada təşkilatçı ölkənin adına aydınlıq gələcək.

Qeyd edək ki, Avropa Olimpiya Komitələrinin yunan prezidenti Spiros Kapralos hələ ötən ay 2 namizədin olduğunu açıqlayıb. Bunlardan biri Xorvatiyanın Split şəhəridir. Digər ölkənin isə Türkiyə və ya Macarıstan olduğu ehtimal edilir.

Xatırladaq ki, 2015-ci ildə Azərbaycan, 2019-cu ildə Belarus və bu il Polşa Avropa Oyunlarına ev sahibliyi edib.