I Liqada çıxış edən "Mingəçevir" klubunun adı dəyişdiriləcək.

Bu barədə Prosport.Az-a klubun İdarə Heyətinin sədri Rafael Bunyatov deyib.

Onun sözlərinə görə, klubun adı yeni mövsümdən etibarən "ASTA Mingəçevir" adlanacaq. Klub isə daha futbol klubu (FK) yox, idman klubu (İK) kimi olduğunu yeni nizamnaməsində göstərəcək. Artıq bunun üçün kluba yeni loqo seçilməsinə başlanılıb.

Qeyd edək ki, hələ klubun adının bu formaya dəyişdiriləcəyini ötən ilin sonlarında saytımız ictimaiyyətə çatdırmışdı.