Minifutbol millimizin bəzi üzvlərinin ölkə başçısı İlham Əliyevin görüşündə olmamasının səbəbləri üzə çıxıb.

Prosport.Az-ın əldə etdiyi xəbərə görə, dünya çempionu olan millimizin kapitanı Elvin Əlizadə korovirusa yoluxub.

Ondan başqa, komandamızın futbolçusu Samir Həmzəyev və köməkçi məşqçi Sərxan Məstiyevdə koronavirus testi pozitiv çıxıb. Bu səbəbdən də hər 3 şəxs Prezidentlə iyunun 2-də baş tutan görüşdə iştirak edə bilməyib.

Qeyd edək ki, protokola əsasən, ölkə başçısı ilə görüşdən öncə iştirakçılar COVID-19 testi verir.