Bu gün minifutbol üzrə Azərbaycan millisi Bakıda keçirilən dünya çempionatında final oyununa çıxıb.

Prosport.Az xəbər verir ki, Elşad Quliyevin baş məşqçisi olduğu kollektiv Macarıstanı 4:2 hesabı ilə məğlub edərək dünya çempionu olub.

O, oyundan sonra jurnalistlərin suallarını cavablandırıb:

– İlk olaraq bütün xalqımızı təbrik edirəm. Çox gözəl qələbə oldu. Federasiya rəhbərliyini, əməyi olan hər kəsi təbrik edirəm. Möhtəşəm qələbədir. Bu hissləri yaşamaq lazımdır. 

– Bundan əvvəlki çempionatda Macarıstana məğlub olmuşdunuz. Bu oyunu qisas kimi dəyərləndirmək olar?
– Qisas deməyək. Bu, futboldur, qalib gəlmək də olur, uduzmaq da. Qismət bu günə imiş.

– Böyük hesablı qələbə gözləyirdiniz?
– Əslində bütün matçlara belə templə başlayırdıq. Bəzi oyunlarda son zərbələrimiz alınmırdı. Bu gün alındı. Ona görə də böyük hesab qeydə alındı.