Stolüstü tennis üzrə yeniyetmələrdən ibarət Azərbaycan millisi Çinin Şanxay şəhərində təlim-məşq toplanışında iştirak edəcək.

Prosport.Az xəbər verir ki, komanda bu gün start götürəcək hazırlıq prosesi üçün sözügedən ölkəyə yollanıb.

Avqustun 15-də başa çatacaq toplanışa məşqçi İsmayıl Mirzəyevin rəhbərliyi ilə Tunar Bağırov, Xədicə Eylazova, Yağmur Məmmədli və Onur Quluzadə qatılacaq.

Qeyd edək ki, yığma avqustun 2-ci yarısında Fransanın Strasbur şəhərində keçiriləcək Avropa çempionatında mübarizə aparacaq.