Azərbaycanın minifutbol millisi Bakıda keçirilən dünya çempionatında yarımfinala yüksəlib.

Prosport.Az xəbər verir ki, Elşad Quliyevin rəhbərlik etdiyi yığmamız 1/4 finalda İngiltərə ilə üz-üzə gəlib.

Qarşılaşma yığmamızın 2:1 hesablı qələbəsi ilə başa çatıb.

Digər 1/4 final görüşlərində Macarıstan Mavritaniyaya 1:0, Monteneqro Çexiyaya 1:0 və Serbiya Bosniya və Herseqovinaya 5:0 qalib gəlib.

Qeyd edək ki, Azərbaycan finala gedən yolda Monteneqro ilə münasibətlərinə aydınlıq gətirəcək. Monteneqro isə favorit göstərilən Serbiya ilə qarşılaşacaq.

10:04

Bakıda təşkil olunan minifutbol üzrə dünya çempionatında 1/4 final mərhələsinin oyunları keçiriləcək.

Prosport.Az xəbər verir ki, 8 komanda Milli Gimnastika Arenasında yarımfinala vəsiqə uğrunda mübarizə aparacaq.

Azərbaycan millisi bu mərhələdə İngiltərə kollektivi ilə üz-üzə gələcək. Qarşılaşma saat 20:30-da başlayacaq.

Dünya çempionatı

1/4 final

29 may

17:30. Macarıstan - Mavritaniya
19:00. Monteneqro - Çexiya
20:30. İngiltərə - Azərbaycan
22:00. Bosniya və Herseqovina - Serbiya

Qeyd edək ki, dünya çempionatına iyunun 1-də yekun vurulacaq.