Azərbaycan yığması Bakıda təşkil olunan minifutbol üzrə dünya çempionatının qrup mərhələsinin III turunda qələbə qazanıb.

Prosport.Az xəbər verir ki, Elşad Quliyevin rəhbərlik etdiyi komanda Mavritaniya ilə üz-üzə gəlib.

Milli Gimnastika Arenasında baş tutan görüş millinin 2:0 hesablı qələbəsi ilə başa çatıb. Bu nəticədən sonra komanda adını 7 xalla növbəti mərhələyə yazdırıb. 4 xala malik Mavritaniya isə qrup 2-cisi kimi 1/8 finala çıxıb.

Qrupun digər görüşündə Bəhreyn Sloveniyaya 4:1 qalib gəlib.

Qeyd edək ki, dünya çempionatına iyunun 1-də yekun vurulacaq.