Azərbaycanın minifutbol üzrə millisi dünya çempionatında ilk oyununu keçirib.

Prosport.Az xəbər verir ki, A qrupunda yer alan yığma Milli Gimnastika Arenasında Bəhreyn yığması ilə qarşılaşıb.

Görüşdə qalib müəyyənləşməyib, tərəflər hərəyə 1 dəfə fərqləniblər.

Millinin heyətində Mirmehdi Rzayev (15) dəqiq zərbə müəllifi olub. Rəqibin qolunu isə Ahmed Antar (25) vurub.

Qeyd edək ki, qrupun digər görüşündə, saat 23:00-da Mavritaniya və Sloveniya kollektivləri üz-üzə gələcəklər.