"Sabah"ın baş məşqçisi Vasili Berezutski Bakıda keçiriləcək minifutbol üzrə "Legends Cup" turnirində iştirak edə bilməyəcək.

Bu barədə Prosport.Az-a "Sabah" klubunun mətbuat xidmətinin rəhbəri Elnur Həmidov məlumat verib.

Rusiyalı məşqçi mayın 18-də Moskvada ÇSKA-nın 20 il əvvəl UEFA kubokunu qazanması münasibətilə keçiriləcək oyunda iştirak edəcək. O, Bakıya mayın 19-da gələcəyindən, paytaxtımızdakı minifutbol matçında iştirak edə bilməyəcək.

Bu isə o deməkdir ki, "Legends Cup"da meydana çıxan veteranların hamısı azərbaycanlı olacaq.

Qeyd edək ki, 2000-ci illərdə "Neftçi"nin heyətində oynamış veteranlarla hazırda Premyer Liqa klublarında məşqçilik edənlər arasında mayın 19-da Milli Gimnastika Arenasında özəl minifutbol matçı təşkil olunacaq.