Azərbaycan Şahmat Federasiyasının vitse-prezidenti Faiq Həsənov 2-ci dəfə dünyaca məşhur Ginnesin Rekordlar Kitabında rekord müəllifi olub.  

Prosport.Az xəbər verir ki, bu münasibətlə Azərbaycan Televiziyasında tədbir keçirilib.

Mərasimdə çıxış edən “Guinness World Records”un rəsmisi Şeyda Subaşı “Televiziya Şahmat Klubu” verilişinin 1969-cu il 27 martdan yayımlandığını bildirib. 55 il 277 gün efirdə olan “Televiziya Şahmat Klubu” verilişinin müəllifi və aparıcısı Faiq Həsənov 2-ci rekordun müəllifi kimi tarixə düşüb. Veriliş “Ginnes Rekordlar Kitabı” tərəfindən ən uzun müddət efirdə yayımlanan idman proqramı kimi təsdiqlənib.

Qeyd edək ki, Faiq Həsənov ötən ay şahmat üzrə ən uzun müddətli kişi hakim kimi rekord müəllifi kimi xüsusi diploma layiq görülüb.