Kişi voleybolçular arasında Yüksək Liqada 2024/2025-ci illər mövsümünün qalibi məlum olub.

Prosport.Az xəbər verir ki, Milli Gimnastika Arenasında təşkil olunan həlledici görüşdə “Murov Az Terminal" və “Azərreyl” komandaları üz-üzə gəlib.

İlk görüşdə 3:0 hesablı qələbə qazanan "dəmiryolçular"a cavab matçında çempionluq üçün 2 set bəs edib. 3:1 qalib gələn "Azərreyl" bununla da Azərbaycan Yüksək Liqasının qızıl medallarını qazanıb.

Ötən gün "Azərreyl"in qadınlardan ibarət komandası "Abşeron"u "qızıl set"də məğlub edərək çempion adını qazanıb.

Xatırladaq ki, ötən mövsüm də "Azərreyl"in həm qadın, həm də kişi komandası çempion olmuşdu.