Türkiyənin Antalya şəhərində keçirilən "Junior World Cup"da çıxış edən Azərbaycan təmsilçilərinin turnirdəki yeri müəyyənləşib.

Prosport.Az-ın xəbərinə görə, "Qarabağ"ın 15 yaşadək komandası (U-15) son matçda "Papua" Futbol Akademiyasına (İndoneziya) 1:2 hesabı ilə uduzub. Bununla da Rauf Əliyevin komandası turniri 16-cı sırada başa vurub.

"Sabah"ın U-15 komandası isə "Samsunspor"la (Türkiyə) 5-ci yer uğrunda matçda 1:1 oynayıb. Penaltilərdə isə türklər 7:6 qalib gəlib. Şahin Zeynalovun komandası 24 komanda arasında 6-cı olub.

"Sabah"ın U-13 komandası son matçda "Özərspor"a (Türkiyə) 1:0 qalib gəlib. Nasir Nəsirlinin baş məşqçisi olduğu komanda 36 komanda arasında 15-ci yeri tutub.

"Ulduz" Futbol Akademiyasının U-14 komandası isə son gündə "İkizlərspor"u (Türkiyə) 2:0 məğlub edib, "Çisəmspor"la (Türkiyə) 1:1 oynayıb. Bununla da Rüstəm Əliyevin baş məşqçisi olduğu "Ulduz" 20 komanda arasında 14-cü olub.

Qeyd edək ki, U-15 yaş qrupunda "Ştutqart" (Almaniya) çempion olub, "Lex" (Polşa") 2-ci, "Srvena Zvezda" (Serbiya) 3-cü olub. U-14-lərdə "Dinamo" (Moskva, Rusiya) çempion olub, "Stroqino" (Rusiya) 2-ci, "Kopenhagen" (Danimarka) 3-cü yeri tutub. U-13-lərdə də Moskva "Dinamo"su qızıl medal qazanıb, "Köln" (Almaniya) 2-ci, FŞM (Moskva, Rusiya) 3-cü olub.

Komandalarımızın əvvəlki oyunlarının nəticələri bu linkdə – https://prosport.az/az/news/id-14525