"Qayıtdığım üçün çox şadam. Burada olmaq üçün çox uzun yol qət etmişəm".

Prosport.Az xəbər verir ki, bunu Azərbaycan millisinin karateçisi İrina Zaretska (68 kq) Dünya Karate Federasiyasının kanalına deyib.

Analıq məzuniyyətindən sonra tatamiyə qayıdan üçqat dünya çempionu Misirin paytaxtı Qahirədəki Premyer Liqa turnirində öz bacarığını bir daha nümayiş etdirmək üçün güc və enerji ilə dolu olduğunu bildirib: "Forma yığmaq, hələ də bu idman növündə olduğumu və tərk etmədiyimi göstərmək üçün uzun müddət məşq etdim. "Karate həyatımdadır" prinsipi ilə yaşayıram. Həyat dəyişir, mən indi gözəl bir körpənin anasıyam, amma karate hələ də mənim bir parçamdır. Mən şadam ki, yenidən yarış həyəcanını hiss edirəm".