Bakıda təşkil olunacaq minifutbol üzrə dünya çempionatının oyunlarını idarə edəcək hakimlər bəlli olub.

Prosport.Az xəbər verir ki, mundialda 14 ölkənin referisi iş başında olacaq. Onların arasında Azərbaycan təmsilçisi Rza Məmmədov da var.

Dünya çempionatında oyunları idarə edəcək hakimlər bunlardır: Ələddin Zidan (Liviya), Ales Müller (Sloveniya), Aleksander Vanqelov (Bolqarıstan), Antoniyo Meşiç (Xorvatiya), Katalin Pidqirni (Moldova), Qrem Florens (ABŞ), İlyes Şakrun (Tunis), İştvan Mod (Macarıstan), Marko Popoviç (Monteneqro), Mixal Bereş (Slovakiya), Məhəmməd Adnan İsmail (İraq), Rza Məmmədov (Azərbaycan), Tamaş Paul (Rumıniya), Tomaş Sikora (Çexiya).

Qeyd edək ki, dünya çempionatı mayın 21-dən iyunun 1-dək Milli Gimnastika Arenasında keçiriləcək.