Gülnar Məmmədova Yunanıstanın Rodos adasında keçirilən qadınlar arasında şahmat üzrə Avropa çempionatı vasitəsilə Dünya Kubokuna vəsiqə qazanıb.

Prosport.Az əbər verir ki, Azərbaycan şahmatçıları arasında ən yaxşı nəticəyə Gülnar Məmmədova imza atıb.

Son turda Anastasiya Kirtadze (Gürcüstan) üzərində qələbə qazanan şahmatçımız Dünya kubokuna sonuncu vəsiqəni verən 10-cu yeri tutub. O, 7,5 xal toplayıb. Çempionata uğursuz başlayan və son turlarda özünə gələn Avropa çempionu Ülviyyə Fətəliyeva 7 xalla 24-cü yerdə qərarlaşıb.

Gövhər Beydullayeva çempionatı 28-ci, Türkan Məmmədyarova isə 40-ci pillədə başa vurub. Ayan Allahverdiyeva 53-cü, Nərmin Abdinova 62-ci, Səbinə İbrahimova 82-ci və  Lalə Hüseynova 90-cı olub.

Çempion 9,5 xalla Teodora İnyaç (Serbiya) olub.

Qeyd edək ki, reqlamentə görə, Avropa çempionatında ilk 10 yeri tutan şahmatçılar Dünya Kubokuna vəsiqə qazanıb.