Serbiyanın Zlatibor şəhərində keçirilən U-15 Gimnazianın 3x3 basketbol yarışlarında qrup mərhələsinin son matçları keçirilib.

Prosport.Az xəbər verir ki, Azərbaycanın qız və oğlan komandaları növbəti matçlarına çıxıb.

Tatyana Deniskinanın baş məşqçisi olduğu qızlardan ibarət millimiz B qrupunda Çili-2-ni 12:1, Ukraynanı 16:14 (overtaym) hesabı ilə məğlub edib. Daha öncə U-15 qız millimiz Serbiya-2-yə (18:0) və Hindistana (21:1) qalib gəlib, Estoniyaya (7:9) və Rumıniyaya isə uduzub (10:20). Bununla da basketbolçularımız 10 xalla qrup 4-cüsü kimi 1/4 finala vəsiqə qazanıb. Komandamız sabah Çinlə qarşılaşacaq. Bu matç Bakı vaxtı ilə saat 13:20-də başlayacaq.

Zaur Paşayevin baş məşqçisi olduğu oğlan millimiz bu gün ilk qarşılaşmada Kosta-Rikanı 19:5, daha sonra Nepalı 18:10 hesabı ilə üstələyib. Daha əvvəl Meksikanı (11:8), Benini (14:4) və Serbiya-2-ni (21:10) məğlub edib, Çiliyə 7:17 hesabı ilə uduzan yığma 13 xalla qrup 2-cisi kimi 1/8 finalda iştirak hüsuqu qazanıb. Komandamız sabah yenidən Kosta-Rika ilə üz-üzə gələcək. Bu matç Bakı vaxtı ilə saat 12:40-da baş tutacaq.

Qeyd edək ki, basketbol yarışları sabah yekunlaşacaq.