“Sərhədçi”nin basketbolçusu Antonio Uliyams pley-in mərhələsində “Sumqayıt”a qarşı keçirəcəkləri matçları dəyərləndirib.

Prosport.Az xəbər verir ki, amerikalı oyunçu qələbə qazanacaqlarına inandığını söyləyib:

“Kim 2 qələbə qazansa, növbəti mərhələyə adlayacaq. Düşünürəm ki, meydana çıxıb yaxşı komanda oyunu göstərsək, asan qələbələr qazanacağıq. Sadəcə, kollektiv şəkildə düzgün oynamalıyıq. Müdafiədə inamlı oyun və rəqibi yaxşı tanımaq vacibdir. Birlikdə növbəti mərhələyə yüksəlməliyik”.

Qeyd edək ki, komandalar arasında pley-in mərhələsində ilk qarşılaşma aprelin 10-da, 2-ci görüş isə ayın 13-də keçiriləcək.