Azərbaycan Üzgüçülük Federasiyasının yeni baş katibi müəyyənləşib.

Prosport.Az-ın xəbərinə görə, bu, Oqtay Atayevdir. Onadək bu vəzifə əvvəlki rəhbərliyin vaxtında Fəxri Həsənovda idi.

O.Atayev idman jurnalistidir. O, 2013-cü ildən bu ilin fevralınadək UEFA-nın Azərbaycan üçün xüsusi əməkdaşı olub. ATV-də indi də efirdə gedən "Futbolumuz" verilişinin Emin Abbasovla birgə ilk aparıcılarından biri kimi çıxış edib.

Qeyd edək ki, Oqtay Atayev 2015-2018-ci illərdə CBC telekanalında jurnalist və xəbər aparıcısı kimi də çalışıb.

Xatırladaq ki, yanvarda Üzgüçülük Federasiyasında rəhbərlik dəyişdikdən sonra burada bir sıra təyinatlar baş tutub. Bu aydan federasiyanın marketinq və mətbuat katibi vəzifəsinə AFFA-nın sabiq əməkdaşı Ağababa Nəcəfzadə təyin olunub.