Azərbaycan Üzgüçülük Federasiyasında yeni təyinat olub.

Prosport.Az-ın xəbərinə görə, Marketinq və İctimaiyyətlə Əlaqələr Departamentinin rəhbəri vəzifəsinə Ağababa Nəcəfzadə təyin edilib.

Onadək bu vəzifəni Məqsəd Rəhimov icra edirdi. Lakin yanvarın 18-də Üzgüçülük Federasiyasında rəhbərlik dəyişdikdən (millət vəkili Xanlar Fətiyevi İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev əvəzləyib – red.) sonra o da mətbuat katibi vəzifəsindən ayrılıb.

Qeyd edək ki, Ağababa Nəcəfzadə təxminən 8 il AFFA-da çalışıb. O, 2016-2018-ci illərdə Müştəri Münasibətlərinin İdarə Edilməsi üzrə mütəxəssis kimi futbol fanatları ilə əlaqələrin idarə olunmasına cavabdeh olub. Eyni zamanda 2021-ci ilədək AFFA-nın sosial media kanallarının idarə olunmasına görə məsuliyyətli şəxs qismində çalışıb. 2021-ci ildən ötən ilin fevralınadək isə AFFA-nın Marketinq Departamentinin baş mütəxəssisi olub.

AFFA-dan ayrıldıqdan sonra o, "See Breeze Resort"da bu ilin martınadək PR və tədbir təşkilatçısı qismində çalışıb.