"Naxçıvan" Azərbaycan Basketbol Liqasının XIX turunda səfərdə "Abşeron"a 60:58 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisii nəticəni şərh edib.

Murat Dikmən (“Naxçıvan”): "İlk olaraq “Abşeron” komandasını təbrik edirəm. Xüsusilə rəqibin gənc oyunçusunun son atışında topu oğurlayıb komandasına qələbə qazandırmağı buradakı yerli basketbolçuların nə qədər dəyər qazandığını göstərir. Bir tərəfdən üzülsəm də, digər yandan onun adına sevindim. Ümumilikdə, qalib gəlmək haqqımız deyildi. Çox pis oynadıq. Çempionatda 2-ciliyi təmin etməyimiz bəlkə də bizdə bir az arxayınlıq yaratdı. Ümid edirəm ki, bu bizə dərs olacaq. Hədəflərimiz bəllidir. Həm çempionatda, həm də Kubokda final oynamaq istəyirik. Bunu edəcəyimizə də çox inanıram".

Ərhan Tokər ("Abşeron"): "Biz son 2 oyunda çox pis məğlubiyyət almışdıq. Bunun fonunda toparlanıb yaxşı oyun sərgiləməyə çalışdıq. Məşqlərdə də daha yaxşı müdafiə oluna bilsək, daha yaxşı ola biləcəyimizin söhbətini etmişdim. Basketbolçularım müdafiədə çox yaxşı çıxış etdi. Gənc basketbolçumuz İsmayıl Abdullayevdən tutmuş hər biri müdafiədə inamlı idi. İsmayıl Cordon Perkinsə qarşı çox yaxşı mübarizə apardı. Rəqibin əsas oyunçularından biri Deşaun Veyd oynamırdı. Bu da nəticəyə təsir etdi, amma komamdam matçı plana uyğun sona çatdıra bildi. Rəqibə də gözəl mübarizəyə görə minnətdaram. Ümumi olaraq deyə bilərəm ki, biz artıq son matçları pley-offa hazırlıq kimi görürük".