Azərbaycanın karate üzrə üçqat dünya çempionu İrina Zaretskaya yarışlara qayıdır.

Prosport.Az xəbər verir ki, analıq məzuniyyətindən sonra məşqləri bərpa edən millimizin Ukrayna əsilli idmançısı Premyer Liqanın 3-cü mərhələsində iştirak etmək niyyətindədir.

Yarış aprelin 18-20-də Misirin paytaxtı Qahirədə keçiriləcək və İrina Zaretskayanın adı da iştirakçılar siyahısında qeyd olunub.

Azərbaycan komandasının heyətində həmçinin Əminağa Quliyev (60 kq), Nuran Rzazadə (67 kq) və Turqut Həsənov (84 kq) da yer alıb.