Azərbaycan təmsilçisi Ayan Allahverdiyeva Monteneqronun Petrovats şəhərində təşkil edilən gənclər (U-20) arasında təşkil olunan dünya çempionatında gümüş medal qazanıb.

Prosport.Az xəbər verir ki, şahmatçımız XI turda Özbəkistan təmsilçisi Əfruzə Xamdamovayla heç-heçə oynayıb. Bununla xalını 8-ə çatdıran Ayan Allahverdiyeva dünya çempionatının gümüş medalına sahib çıxıb.

9 xal toplayan rusiyalı Anna Şuxman dünya çempionu olub. 3-cü yeri çinli Lu Miaoyi tutub.

Qeyd edək ki, mundialda 67 ölkədən 260-a yaxın şahmatçı mübarizə aparıb.

Xatırladaq ki, Ayan Allahverdiyeva ötən il bu yaş kateqoriyası üzrə dünya çempionatında bürünc medal qazanmışdı.