NTD Azərbaycan Basketbol Liqasının XVI turunda "Sərhədçi"yə 98:85 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisi nəticəni şərh edib.

Ərhan Tokər ("Abşeron"un baş məşqçisi): "Rəqib Calen Şounun yoxluğunda səbət altında çox effektiv oynadı. Bəzi anlarda yaxşı müdafiə olunduq, amma ümumi olaraq bunu çox da yaxşı edə bilmədik. Xüsusilə orta məsafədən rəqib çox xal topladı. Nəticə olaraq, mərkəz oyunçumuzun yoxluğu təsirini göstərdi. Ömər Yavaş, Vilyam Cenkins o zonada yetərli qədər yaxşı oynaya bilmədilər. Bundan sonra oyunumuzu təkmilləşdirə biləcəyik, ya yox, bunu zaman göstərəcək".

Tahir Baxşıyev (NTD-nin baş məşqçisi): "Hücumda yaxşı oynadıq. 95 xal topladıq. Amma müdafiədə daha etibarlı oynamalıydıq. 80 xal çoxdur. Düşünürəm ki, rəqiblərə 70 xaldan çox verməməliyik. Bu bizim məqsədimiz olacaq. O zaman ardıcıl qələbələr gələcək. Hücumda yaxşı oynayırıq, çox xal toplayırıq. Hər oyuna qələbə üçün çıxırıq. Əgər ilk "üçlük"də olmaq istəyirsənsə, hər oyunda qələbə qazanmaq lazımdır. Bizdə bu potensial var. Oyunçularım yaxşı oyun göstərirlər. Amma digər komandalar da güclüdür. Bir çoxları güclənib. Qarşıda bizi çətin oyunlar gözləyir. "Naxçıvan"la oyuna hazırlaşacağıq”.