Klassik şahmatdan sonra Beynəlxalq Şahmat Federasiyası mart üçün rapid və blits üzrə də reytinq cədvəllərini dərc edib.

Prosport.Az xəbər verir ki, sürətli şahmatda Azərbaycan qrossmeysterləri arasında ən yüksək nəticə Şəhriyar Məmmədyarova məxsusdur.

O, siyahıda 20-ci (2701 xal), Teymur Rəcəbov 34-cü (2668) , Eltac Səfərli isə 95-ci (2616) yerdədirlər.

Maqnus Karlsen (Norveç, 2819) rapiddə liderlik edir, ikinci yerdə Dinq Liren (Çin, 2776), üçdə isə Yan Nepomnyaşi (FIDE, 2758) qərarlaşıblar.

Eyni zamanda, blitsdə Məmmədyarov 35-ci yerdədir (2680). İlk "yüzlük"də daha üç şahmatçımız var: Rəcəbov 41-ci (2663), Rauf Məmmədov 64-cü (2637), Eltac Səfərli isə 77-ci (2627) mövqedədirlər.

Blits üzrə də lider Karlsendir (2883), ikinci yerdə Alireza Firuzca (Fransa, 2857), üçdə isə Hikaru Nakamura (ABŞ, 2838) qərarlaşıblar.