Azərbaycan Basketbol Liqasının XV turunun "Ordu" – "Sumqayıt" oyunundan (103:68) sonra hər iki komandanın məşqçiləri fikirlərini bildirib.

Prosport.Az xəbər verir ki, "Ordu" komandasının ispaniyalı baş məşqçisi Alberto Blanko oyun ərzində cəzalandırıldığı üçün onun köməkçisi açıqlama verib:

Şəhriyar Əsgərov ("Quba"): "Uzunmüddətli fasilələr nədənsə komandama yaxşı təsir göstərmir. Halbuki komandamızı gücləndirmişik. Bu gün komandamız gözlədiyim performansda oyun göstərmədi. Müdafiədə qarışıqlıq var idi, istədiyimiz kimi oynamadıq. Analiz edib, səhvlərimizə baxıb, müəyyən nəticələr çıxaracağıq. Pley-off yaxınlaşdıqca güclənməyi qarşımıza məqsəd qoymuşuq. Bu gün komanda dağınıq vəziyyətdə idi. Bütün bunların hamısını həll etmək olar. 2-ci dəfədir ki, uzunmüddətli fasilələr komandamıza yaxşı təsir etmir. Bundan əvvəlki fasilədən qayıtdıqdan sonra da ardıcıl məğlubiyyətlər almışdıq. Sonuncu dövrə başlayır. Bacardıqca qələbələr qazanmağa çalışacağıq ki, bir qədər yuxarı qalxaq. Komandama inanıram".

Anar Hacıyev (“Ordu”): “Bu gün biz ilk növbədə müdafiədə yaxşı çıxış etdik. Düzdür, bəzi epizodlarda səhvlərimiz də oldu. Ancaq uşaqlar toparlandı və üstünlüyümüzü təmin etdilər. Məhz müdafiədəki yaxşı oyunumuz sayəsində qalib gəldik. Bu gün atışlarımız da yaxşı idi. Əvvəlki oyunlarla müqayisədə 3 xallıq atışları da dəqiq yerinə yetirirdik. Çünki məşqlərdə daima bunun üzərində işləyirik. Bu gün də onun bəhrəsini gördük. Yerli oyunçuların da rotasiyasını etməyə çalışırıq. Rüstəm Əliyev zədədən yenicə qayıdıb. Məhz bu səbəbdən onu çox yormaq istəmədik və digər oyunçulara da şans verdik. Qələbəyə görə bütün oyunçularımızı təbrik edirəm”.