Martın 16-da Rumıniyada şahmat üzrə kişilərin Avropa çempionatı start götürəcək.

Prosport.Az xəbər verir ki, Eforie şəhərində 10 gün davam edəcək qitə birinciliyində Azərbaycanın 12 zəka sahibi mübarizə aparacaq.

Aydın Süleymanlı, Məhəmməd Muradlı, Nicat Abasov, Əhməd Əhmədzadə, Riad Səmədov, Vüqar Manafov, Şiroğlan Talıbov, Xaqan Əhməd, Elmar Atakişiyev, Şahin Vəliyev, Süleyman Süleymanlı və Ümid Aslanov lövhə arxasına keçəcək.

Azərbaycan çempionatının finalçıları – Rauf Məmmədov və Şəhriyar Məmmədyarov bu yarışda iştirak etməyəcək.

Qeyd edək ki, Avropa çempionatında ilk “20-liy”ə daxil olacaq şahmatçılar Dünya Kubokuna vəsiqə qazanacaq. Ötən il analoji yarışda Rauf Məmmədov bu hüquqa yiyələnmişdi.