Azərbaycanın karate üzrə beşqat dünya və 11 qat Avropa çempionu Rafael Ağayev peşəkarların mübarizə apardığı "Karate Combat" turnirində növbəti döyüşünü keçirib.

Prosport.Az xəbər verir ki, Tokio-2020 Yay Olimpiya Oyunlarının gümüş mükafatçısı ABŞ-dən olan Coş Kvayhaqenlə qarşılaşıb.

Mayamidə baş tutan döyüş Ağayevin qələbəsi ilə başa çatıb və o, yarım-orta çəkidə Kvayhaqenin məxsus olduğu kəmərə sahib çıxıb.

Turnirdə iştirak edən Azərbaycanın digər karateçisi Şahin Atamov isə fransalı Kenji Qrilona məğlub olub.

Qeyd edək ki, Rafael Ağayev "Karate Combat" turnirində 2018-ci ildə debüt edib. O, ötən il yarım-orta çəkidə müvəqqəti kəmərə sahib çıxmışdı.