"Təəssüf ki, istədiyimiz oyunu meydanda göstərə bilmədik. Rəqibin əsl hücum “silahları”nı dayandırdıq, amma digərləri bizə ciddi təhlükə yaratdı".

Prosport.Az xəbər verir ki, bunu “Sərhədçi”nin məşqçisi Murat Öney deyib.

O, Azərbaycan Basketbol Liqasının XIV turunda “Neftçi”yə məğlubiyyəti şərh edib: “Oyun boyu istifadə etdiyimiz 28 atışdan yalnız 11-də dəqiq olduq. Təəssü fki, bizim müqavimətimizi qırdılar. Matçın sonunda geridönüş etməyə çalışdıq, amma 2-ci hissədəki səhvlərimiz üzündən buna nail ola bilmədik. Kris Martinin oynamaması, Cimi Nikolsun da yeni olması ilə istədiyimiz oyundan uzaq qaldıq. Rəqibimiz təcrübəli komandadır, keyfiyyətli məqçiyə sahibdir. "Neftçi" bəsit səhvləri bağışlamayacaq rəqibdir. Daha yaxşı nəticə istəyərdik. Amma bu nəticədən dərs çıxarıb davam etməliyik. Məşqçimiz Evrən Alkaya burada deyilkən daha yaxşısını etmək istəsək də, bacarmadıq. Komanda olaraq öhdəsindən gələ bilmədik”.

Qeyd edək ki, "Sərhədçi" "Neftçi"yə 67:82 hesabı ilə uduzub.