"Hücumda və müdafiədə yaxşı oynadıq".

Prosport.Az xəbər verir ki, bunu "Neftçi"nın məşqçisi Daviti Çivçivadze Azərbaycan Basketbol Liqasının XIV turunda "Sərhədçi" ilə matçdan sonra klubun mətbuat xidmətinə açıqlamasında deyib.

Gürcü mütəxəssis qələbəyə görə sevincli olduqlarını bildirib: "Çox çətin oyun oldu. Sonuncu görüşdə məğlub olmuşduq. Odur ki, bu qələbə çox vacib idi. Müdafiədə yaxşı çıxış etsək və ötürmələrdə səhvə yol verməsək, istənilən komandaya qalib gələ bilərik. Bu dəfə elə də oldu. Rəqib komandanı 67 xalda saxladıq və 26 assistimiz var idi. Ümumiyyətlə, hücumda və müdafiədə yaxşı oynadıq. Komandamı qələbə münasibətilə təbrik edir və uğurlar arzulayıram."

Qeyd edək ki, "Neftçi" – "Sərhədçi" qarşılaşması 1-cilərin 82:67 hesablı qələbəsi ilə yekunlaşıb.