Qadın basketbol komandamız bu il keçiriləcək Avropa çempionatının seçmə mərhələsində növbəti böyük hesablı məğlubiyyəti ilə üzləşib.

Prosport.Az xəbər verir ki, Evrən Alkayanın yetirmələri son Avropa çempionu Belçikaya 73 xal fərqlə uduzub – 24:97.

Çox gənc heyətlə çıxan komandamız hər hissədə cəmi 12 xal atış edə bilib.

Xatırladaq ki, komandamız ötən il bu komandaya Bakıda daha böyük hesabla uduzmuşdu – 28:136.

Qrupun digər matçında Litva Polşaya 72:69 qalib gəlib.

Hazırda C qrupunda Belçika və Litvanın 9 xalı var, Polşa isə 7 xala malikdir. Bütün oyunlarda uduzmuş Azərbaycan isə 5 xalla autsayderdir. Komandamız sonuncu turda Bakıda Polşa millisi ilə qarşılaşacaq. Bu matç fevralın 9-da Bakı İdman Sarayında baş tutacaq.