"Rəqibimiz son anadək mübarizə apardı. Basketbolçularımız meydanda əsl xarakter nümayiş etdirdi".

Prosport.Az xəbər verir ki, bunu “Naxçıvan” BK-nin baş məşqçisi Murat Dikmən deyib.

Türkiyəli mütəxəssis Azərbaycan Basketbol Liqasının XIV turunda “Abşeron”u 76:70 hesabı ilə məğlub etdikləri oyunu şərh edib: "Xüsusilə ilk yarı müdafiədə mükəmməl çıxış etdik. Rəqibimizi 28 xalda saxladıq. 3-cü periodda yorğunluqla bərabər komandada eniş başlasa da, bir ara fərqi 18-ə qədər çıxarmağımız bizə rahat nəfəs aldırdı. Xal fərqinin verdiyi rahatlıqla hücumda uğursuz çıxış etdik və rəqib bizi cəzalandırdı. Daha sonra rəqib oyuna ortaq oldu. Ancaq önəmli olan qalib gəlmək idi. Bu oyundan çox dərs çıxaracağıq. Qələbə qazandıq və yolumuza davam edirik. Milli fasiləyə yollanırıq, hər kəs dincələcək. Motivasiyamızı daha da yüksəldəcəyik. Daha sonra “Sabah” matçı ilə ölkə çempionatına köklənəcəyik. Liqanın son dövrəsində isə daha sərt “Naxçıvan” komandasını izləyəcəyik".

Qeyd edək ki, bu qələbədən sonra "Naxçıvan" bir oyun artıq keçirməklə liderliyə yüksəlib.