“Quba”nın basketbolçusu Levan Qoqaladze klubun mətbuat xidmətinə açıqlama verib.

Prosport.Az xəbər verir ki, gürcüstanlı oyunçu  bu gün “Sumqayıt”a qarşı keçiriləcək matçla bağlı da danışıb:

"Təəssüflər olsun ki, son görüşdə də uduzduq. Həmin oyundan sonra hazırlığımızı davam etdirmişik. Qələbə qazanmağa yaxın olduğumuz görüşlərdə bəxt amilinə görə uduzmuşuq. Təbii ki, biz də daha yaxşı olmaq üçün çalışırıq, bu haqda düşünürük.

Bu gün “Sumqayıt”la qarşılaşacağıq. Bu oyunu qazanmaq üçün hər şeyi edəcəyik. “Sumqayıt”la bu mövsüm ümumi hesabımız 1:1-dir. Ona görə də hər qarış uğrunda mübarizə aparacağıq. Qalibiyyət üçün oynayacağıq. Ümidvaram ki, istəyimiz reallaşar”