Azərbaycan Basketbol Liqasının XIII turunun bağlanış matçında "Quba" öz meydanında 10 oyundur ki, məğlub olan "Lənkəran"la bacarmayıb (84:87).

Prosport.Az hər iki komandanın baş məşqçisinin fikirlərini təqdim edir:

Şəhriyar Əsgərov ("Quba"): "Yaxşı hazırlaşmışdıq, qalib gəlmək istəyirdik. Ancaq oyunçuların fərdi olaraq sonluqda səhvləri oldu. "Lənkəran"ı təbrik edirəm, çox yaxşı oynadılar. Demək olar ki, sona qədər mübarizə apardılar. Bizim oyunçular haqda isə bunu demək olmaz. 11 xallıq fərq yaratdıq. Ancaq ondan sonra  oyunçular arası əlaqə itdi. Belədə, oyun əldən getdi. Sonda bir sıra oyunçumuzun səhvi buna gətirib çıxardı. Rəqibi təbrik edirəm".

Georgi Kondruseviç ("Lənkəran"): "Ümid edirəm ki, bütün basketbolçular bir araya yığıldığı üçün biz bundan sonra daha rəqabətcil olacağıq. Oyun bizim üçün çox çətin oldu və ardıcıl 10 məğlubiyyətdən sonra qələbə əldə etdik. Hamımız bunun üçün çalışdıq. Bütün komandaya təşəkkür edirəm. Sonda rəqibə çatmağı bacardıq və dönüş nöqtəsi müdafiədə daha yaxşı təsir bağışlamağımız oldu. Qələbəni bizə bu gətirdi. Xüsusi olaraq heç bir oyunçumuzu fərqləndirmək istəmirəm. Ümid edirəm ki, bu qələbə bizə pozitiv təsir edər. Bunu zaman göstərəcək. Hər şey özümüzdən aslıdır".