"İlk olaraq komandamı təbrik edirəm. Həqiqətən də son periodda çox vacib bir xarakter ortaya qoydular. Təəssüf ki, 2 matçdır, məğlub olurduq".

Prosport.Az xəbər verir ki, bunu “Naxçıvan” BK-nın baş məşqçisi Murat Dikmən deyib.

O, Azərbaycan Basketbol Liqasının XIII turunda “Sərhədçi” ilə görüşdə qazanılan 80:76 hesablı qələbəni şərh edib: "Bu qarşılaşma həm 2-ci pilləni qorumaq, həm də yenidən öz kimliyimizi ortaya qoymaq üçün çox vacib idi. Bunu da bacardığımız düşünürəm. Sadəcə 2-ci periodun son 2 dəqiqəsini yaxşı oynamadıq. Reaksiya göstərə bilmədik. 3-cü periodda isə həqiqi kimliyimizi ortaya qoyduq. Son periodda isə Naxçıvan komandasının nəyə qadir olduğunu göstərdik. Buna görə çox ümidliyəm. Bu qələbə bizim üçün çox vacib idi. Bundan sonra “Abşeron” ilə matça köklənəcəyik. Ümid edirəm ki, bu il həm liqada, həm də kubokda final oynayarıq. Ən azı isə 1-ni qazansaq, bizim üçün çox yaxşı olar".

Qeyd edək ki, “Naxçıvan” 22 xalla A qrupunda 2-ci pillədə yer alıb.