Basketbol üzrə Azərbaycan Kubokunda daha bir 1/8 final mərhələsinin iştirakçısı bəlli olub.

Prosport.Az xəbər verir ki, Abşeron Olimpiya İdman Kompleksində keçirilmiş "Abşeron" – "Quba" oyununda azarkeşlər əsl trillerə şahidlik edib.

Belə ki, 2 əlavə vaxtın yaşandığı görüşün sonunda "Abşeron" 96:94 hesabı ilə rəqibinə qalib gəlib və 1/4 finalda "Naxçıvan" klubuna rəqib olub.

Qeyd edək ki, 1/8 finalın son 2 oyunu ("Gəncə" – "Ordu", "Sumqayıt" – "Neftçi") sabah baş tutacaq.

Xatırladaq ki, günün ilk matçında çempionatda A qrupunun autsayderi olan NTD B qrupunun autsayderi "Lənkəran"ı 87:73 hesabı ilə üstələyib. Bununla da NTD 1/4 finalda "Şəki"yə rəqib olub.