"Rəqibin güclü, zəif tərəflərini bilirdik və layiqli qələbə qazandıq".

Prosport.Az xəbər verir ki, bunu NTD basketbol komandasının baş məşqçisi Tahir Baxşıyev "Lənkəran"a 87:73 hesabı ilə qalib gəldikləri Azərbaycan Kubokunun 1/8 final mərhələsinin oyunu ilə bağlı danışarkən deyib.

Mütəxəssis maraqlı matça şahidlik etdiklərini bildirib: "Kubokda fərqli limit səbəbindən sistem tamamilə dəyişir. Çətin idi. Amma düşünürəm ki, oyun maraqlı alındı. Uşaqlar hər şeyi düzgün etdi. Kubokun 1/4 finalında bizi “Şəki”yə qarşı görüş gözləyir. Çox güclü rəqibdir. Turnir cədvəli də bunu sübut edir. Onlar öz qruplarında liderlik edir. Çətin olacaq. Amma bu matça hazır olacağıq”.