"Əvvəla, rəqibi mübarizəyə görə və komandamızı qələbəyə görə təbrik edirəm. Biz müdafiə komandasıyıq. Daha əvvəl də söylədiyim kimi, müdafiəyə diqqət yetirsək, hər komandanı məğlub edə bilərik".

Prosport.Az xəbər verir ki, bunu "Şəki" basketbol komandasının baş məşqçisi Bedri Meriç deyib.

Türkiyəli məşqçi Azərbaycan Basketbol Liqasının XII turun bağlanış matçında "Ordu" üzərində 87:74 hesablı qələbədən danışıb: "Roti Veyr zədəli olduğu üçün ondan yararlana bilmədik. Onun əvəzinə meydana çıxan hər bir oyunçu əlindən gələni etdi. Bu qələbə çox vacib idi. Oyunçularımla qürur duyuram. Bu qələbə onların əsəridir. Meydana çıxan, çıxmayan hər bir oyunçuya və azarkeşlərə təşəkkür edirəm. Döyüşməyə davam edəcəyik. Kimsənin lider görmədiyi "Şəki"ni ən yuxarı sıraya qaldırdıq. Lider qalmaq üçün də əlimizdən gələni edəcəyik".

Qeyd edək ki, "Şəki" 22 xalla B qrupunun lideridir. Komanda ardıcıl 8 oyundur ki, məğlubedilməzdir.