"Bu gün çox bərbad oynadıq. Komandam özünə bənzəmədi. Xüsusən də ilk hissədə çox zəif təsir bağışladıq".

Prosport.Az xəbər verir ki, bunu "Ordu" basketbol komandasının baş məşqçisi Alberto Blanko deyib.

O, "Şəki"yə 74:87 hesabı ilə uduzduğu oyundan sonra fikirlərini bildirib: "Bir çox komponentlərdə özümüzü yaxşı tərəfdən göstərə bilmədik. Bu problemlərlə üzləşirsənsə, qələbəyə ümid etməyə haqqın yoxdur. Biz yalnız fasilədən sonra bir qədər özümüzə gəldik, hətta 4-cü periodda hesabda önə də keçdik. Amma yenə də üstünlüyümüzü qoruya bilmədik. Rəqib 3 xallıq atışlardan məharətlə istifadə etdi. Xüsusən də daha çox ribaund qazandı. Bir amili vurğulayım ki, 9 texniki folla üzləşdik. Bunun da oyunumuza çox ciddi təsiri oldu. "Şəki"ni qələbə münasibətilə təbrik edirəm. Biz indi ölkə kubokunda "Gəncə" ilə oyunu fikirləşməliyik".