"Quba" ilə matçda nəzarəti əvvəldən sona kimi əlimizdə saxladıq".

Prosport.Az xəbər verir ki, bunu "Gəncə"nin baş məşqçisi Halil Atlı Azərbaycan Basketbol Liqasının XII turunda “Quba” ilə oyundan sonra deyib.

Türkiyəli mütəxəssis "Quba"nın baş məşqçisi Şəhriyar Əsgərovun yanvarın 11-də “Gəncə” deyildiyi kimi güclü komanda deyil" açıqlamasına cavab verib: “Heyətdəki itkiyə baxmayaraq, meydançada yaxşı mübarizə apardıq. Komandamızı təbrik edirəm. Oyuna sərt başladıq. Matça nəzarəti əvvəldən sona kimi əlimizdə saxladıq. Əslində bu həftə bu oyuna hazırlaşmadıq. Çünki hədəfimiz "Ordu" ilə görüşdür. Ona görə də "Quba" ilə matç qarşıdakı oyuna bir növ hazırlıq idi. Kimin nə deməsindən asılı olmayaraq, biz yaxşı komandayıq. Hər keçən gün daha yaxşı olacağıq. Məncə, insanlar bizi tənqid etməmişdən öncə öz komandalarındakı problemləri həll etsin. Bu cür manipulyasiyalar bizə motivasiya verir. Oyunçularıma təşəkkürümü bildirirəm, xarakter nümayiş etdirir. Məşqlərdə və oyunlarda ən yaxşısını etməyə çalışırlar. Qarşıda kubok görüşümüz var. Həmin oyuna ən yaxşı şəkildə hazırlaşıb, meydana çıxacağıq".

Qeyd edək ki, Gəncə İdman Sarayında keçirilən "Gəncə" – "Quba" görüşü meydan sahiblərinin 96:78 hesablı qələbəsi ilə bitib.