"Oyun göstərdi ki, biz istənilən komandaya qarşı oynaya bilərik".

Prosport.Az xəbər verir ki, bu sözləri "Neftçi"nin məşqçisi Daviti Çivçivadze Azərbaycan Basketbol Liqasının XII turunda "Sabah"a 65:75 hesabı ilə uduzduqları oyundan sonra klubun mətbuat xidmətinə açıqlamasında deyib.

Gürcüstanlı mütəxəssis komandasının müdafiədə və hücumda çox yaxşı performans göstərdiyini bildirib: "Ancaq bəzi səhvlərimiz oldu, bu da normaldır. Şansımız var idi ki, oyunda qalib gələk, ancaq alınmadı. Çox çətin qarşılaşma oldu. Ümumiyyətlə, bu, səhvlər oyunu idi və hansı komanda daha az səhv etsəydi, qalib gələcəkdi". 

Onun sözlərinə görə, basketbolçular məşqlərdə daha çox çalışmalı və öz oyununu təkmilləşdirməlidir: "Mən öz komandama apardığı mübarizəyə və göstərdiyi oyuna görə təşəkkürümü bildirir, “Sabah” komandasını isə qələbə münasibətilə təbrik edirəm”.