"Neftçi" və "Sabah" klubları arasında Azərbaycan Basketbol Liqasının (ABL) XII turunun mərkəzi görüşü baş tutub.

Prosport.Az xəbər verir ki, Bakı İdman Sarayında gərgin mübarizə şəraiti altında keçmiş oyunu "Sabah" 75:65 hesabı ilə qalib tamamlayıb və A qrupundakı liderliyini davam etdirib.

Oyunun ən dəyərli basketbolçusu 19 xal və 4 ribaundla Hassani Qravet ("Sabah") seçilib. Bununla II dövrəni məğlubiyyətsiz başa vurmuş və ardıcıl 5 qələbə qazanmış "Neftçi"nin uğurlu seriyasına son qoyulub.

Qeyd edək ki, XII turun açılış oyununda "Abşeron" 86:79 hesabı ilə "Sərhədçi"yə qalib gəlmişdi. Tura yanvarın 26-da yekun vurulacaq.