Azərbaycanın qadın karateçisi İrina Zaretskaya Polşada keçirilən III Avropa Oyunlarının qalibi olub.

Prosport.Az xəbər verir ki, 68 kq-da çıxış edən idmançı finalda isveçrəli Elena Kuiriçiyə 4:1 hesabı ilə qalib gəlib.

Beləliklə, Zaretskaya 2-ci dəfə Avropa Oyunlarının qalibi olub. O, Bakı-2015-də də qızıl medala sahib çıxmışdı. Titullu idmançı 2019-cu ildə Belarusun paytaxtı Minskdə keçirilmiş analoji yarışda isə 2-ci yeri tutmuşdu.

Qeyd edək ki, bu mükafatla Azərbaycan idmançılarının III Avropa Oyunlarındakı medallarının sayı 3-ə çatıb. Hər 3 mükafatı karateçilər əldə ediblər. Daha əvvəl Tural Ağalarzadə (67 kq) qızıl, Asiman Qurbanlı (+84 kq) isə bürünc medala sahib çıxıb.