"Azərbaycan Kuboku bizim komanda üçün çox prioritet deyil. Biz daha çox çempionat haqqında düşünürük. Ancaq Kubok matçlarına da çıxıb, sonadək mübarizə aparacağıq". 

Prosport.Az xəbər verir ki, bunu klubun mətbuat xidmətinə "Şəki" basketbol komandasının baş məşqçisi Bedri Meriç deyib.

Türkiyəli mütəxəssis "Azərbaycan Kubokunun 1/4 finalında "Lənkəran", yoxsa NTD ilə düşməyimizi istəyirsiniz? sualına belə cavab verib: "Lənkəran"ı çempionatdan tanıyırıq. NTD-nin isə çox dəyərli məşqçiləri və millidə oynayan basketbolçuları var. A qrupunda autsayder olsa da, NTD yerli oyunçu baxımından çox güclüdür. Hansı komandanın gəlməsini istəməyim düzgün olmaz. Rəqibimiz kim olsa, qələbə üçün əlimizdən gələni edəcəyik. Yarımfinalda rəqib, böyük ehtimalla, "Sabah" olacaq. Kubokda 2 yerli oyunçudan istifadənin məcburi olması azərbaycanlı basketbolçularımızın Kubok matçlarına daha çox motivasiya olmasını şərtləndirəcək".

Qeyd edək ki, 1/4 final matçları 12-13 mart tarixlərində keçiriləcək. Bütün oyunlar Bakıda baş tutacaq.